Пераходны ваенны савет Чада
Пераходны ваенны савет (фр.: Conseil militaire de transition, CMT) — пераходны ваенны ўрад Чада.
Гісторыя
[правіць | правіць зыходнік]Узнік 20 красавіка 2021 года пасля смерці былога прэзідэнта Ідрыса Дэбі, узяўшы на сябе адказнасць за кіраванне краінай і барацьбой супраць паўстанцаў ФПЗЧ. Дзеючыя кабінет міністраў і парламент былі распушчаны. Орган узначаліў Махамат Дэбі Ітна, сын забітага прэзідэнта. Было абвешчана, што часовы ўрад будзе дзейнічаць на працягу васемнаццаці месяцаў, пасля чаго ў краіне пройдуць усеагульныя выбары[1].
Ваенную хунту легітымнай уладай прызнала толькі Францыя, якая 22 красавіка публічна выступіла ў абарону захопу ўлады сынам Дэбі, заявіўшы, што гэта было неабходна пры «выключных абставінах»[2].
Апазіцыйныя палітыкі назвалі захоп улады ваеннымі дзяржаўным пераваротам. 27 красавіка ў Нджамене ўспыхнулі пратэсты супраць хунты. Адна жанчына была забіта ў сталіцы, калі пратэстоўцы напалі на аўтобус, у той час як паліцыя ўжыла слёзатачывы газ для разгону дэманстрацый[3].
10 кастрычніка 2022 года пасля «нацыянальнага дыялогу», падчас якога Дэбі быў прызначаны часовым прэзідэнтам, орган заменены пераходнай адміністрацыяй, прызначанай ім[4][5][6].
Зноскі
- ↑ Chad's President Idriss Déby dies 'in clashes with rebels'. BBC News. Праверана 20 April 2021.
- ↑ Irish, John (22 April 2021). "France defends Chad military takeover as needed to ensure stability". Reuters. Праверана 22 April 2021.
- ↑ "Protests turn deadly in Chad as protesters demand civilian rule". Al Jazeera. 27 April 2021. Праверана 27 April 2021.
- ↑ Ramadane, Mahamat (2 October 2022). "Junta set to stay in power after Chad delays elections by two years". Reuters. N'Djamena. Праверана 20 October 2022.
- ↑ Ilunga, Patrick (10 October 2022). "Chadian junta leader Mahamat Deby sworn in as President". The East African. Праверана 20 October 2022.
- ↑ "Chad Ruler Raises Hackles with Drawn-Out 'Transition'". Agence France-Presse. Libreville, Gabon. Voice of America. 12 October 2022. Праверана 20 October 2022.